整理一下 才能自我修正嗎
=-=-=-=-=-=-=-=-=-=-=-=-=-=
花腰花 一個頗奇特的名字
不過 舞蹈 本來就是一樣奇特的東西
被這個名字相配 也不是奇怪的事情
每個人 都有自己獨特的喜好和興趣.
祢的喜好 和祢的性格一樣 給我的感覺
很奇特 不是奇怪 而是奇特
神奇 而 獨特
四個字「外冷內熱」
就是我對祢的感覺.
7月9日...我有空喔
=-=-=-=-=-=-=-=-=-=-=-=-=-=
沉日一早又被人吵醒去排隊飲茶
都慣左lu....今日比較遲.
又見到輝 睇黎佢每個禮拜同我一樣
傾左陣 佢就有位 當然 我每次都比佢晏到.
發生左一件幾有趣既事 有一個女仔坐我旁邊
佢真係等到傻哂 不停打俾佢D FD"訴苦"
酒樓有個員工認得我個個星期黎食 見我等左成個鐘
俾左張前D既no.俾我 但係因為我未齊人.
又見哥個女仔真係就悶死 就俾左張野佢
佢傻左咁問我:"點解要俾我?"
我停左一陣 因為 我真係唔知點答
如果話"可能見你靚女呱,"..唔好啦...痴線
最後正常咁答左佢...佢好開心咁打俾家人就上左去..
而我? go on等lor...
因為下就無野做 所以又番左捐血中心
個保安已經認得我 走黎幫我開門.
算係一個幾得閒既下午 至少對比起沉日
清點完之後 6月14一共有94個捐血者.
都算係預料之外..thx~!
=-=-=-=-=
仲有半個鐘收工既時間 一個熟口面既人黎捐血
竟然係之前係酒樓果個女仔 澳門真係細得緊要.
今次係佢第一次 好緊張 唔洗5分鐘就輸哂350mL
仲攞埋相機影相tim...
奇遇
=-=-=-=-=-=-=-=-=-=-=-=-=-=
父親節
對我黎講 算係一個節日吧
比母親節好辦多了
因為 我Uncle不在意依D野 我老豆都在意不了
兩個信息 搞定了
依個blog真係以後唔可以俾我仔女知 唔係我真係會好慘
沉晚 成家去左路環食飯 好耐無一家人食飯啦..i mean with uncle.
幾有特色既一間野 去左好多次lu...仲係幾新鮮
有得點唱 飲到high哂仲可以上去唱tim...仲有個好細既DISCO BALL
可以係佢下面勁舞..
有事要做..唔打了 睇相啦
=-=-=-=-=-=-=-=-=-=-=-=-=-=
好耐無坐過依架車過依條橋啦
路環一向都係影相既最佳地點.
之前既投影機已經變左LCD TV...畫面好好多.
最大特色...
仲有骰玩..
一盞歪左既街燈.
回家
No comments:
Post a Comment